பாதம் வீக்கம்

கால் அல்லது பாதங்களில் ஏற்படும் வீக்கமானது ஒரு பொதுவான தற்காலிக பிரச்சனை தான். எனவே, நீங்கள் இதற்காக பயப்பட வேண்டியதில்லை. இருப்பினும், இது உங்களுக்கு சங்கடமாகவும் தொந்தரவாகவும் இருக்கலாம்; மற்றும் உங்கள் அன்றாட நடவடிக்கைகளில் கூட குறுக்கிடலாம்.

பொருத்தமற்ற காலணிகளை அணிவது, அதிக நேரம் நிற்பது, கர்ப்ப காலம், சிறு காயம், எடிமா, மருந்துகள் போன்ற பல்வேறு காரணங்களால் கால் வீக்கம் அல்லது கணுக்கால் வீக்கம் ஏற்படலாம். அது மட்டுமின்றி, சிறுநீரக நோய், இதய நோய், கல்லீரல் நோய் மற்றும் லிம்பெடிமா போன்ற சில மருத்துவ நிலைமைகள் காரணமாக கூட கால் அல்லது கணுக்கால் வீக்கம் ஏற்படலாம். இது போன்ற கால் அல்லது பாதத்தில் ஏற்படும் வீக்கத்திற்கு, சில எளிய வீடு வைத்தியங்கள் உள்ளன. அவை வீக்கத்தை விரைவாகக் குறைக்க உதவுவதோடு உங்களுக்கு சிறிது ஆறுதலையும் அளிக்கும்.

இருப்பினும், உங்கள் கால்கள் நீண்ட காலமாக வீக்கமாக இருந்தால் அல்லது பிற அறிகுறிகளுடன் சேர்ந்து காணப்பட்டால், அது ஒரு மருத்துவ நிலைக்கான அறிகுறியாக இருக்கலாம். இதற்கு உடனடி மருத்துவ கவனிப்பு தேவைப்படுகிறது.

வீக்கமான கால்களுக்கான சில வீட்டு வைத்தியங்களைப் பார்ப்போம் வாருங்கள்!

எப்சம் உப்பை பயன்படுத்துங்கள்

எப்சம் உப்பு (மெக்னீசியம் சல்பேட்), உங்கள் பாதங்களில் ஏற்படும் வீக்கத்தைக் குறைக்க உதவும். இது நச்சுகளை வெளியேற்றுவதன் மூலம் செயல்படுகிறது மற்றும் உங்கள் கால்களுக்கு ஓய்வை அளிக்கின்றது. இதன் மூலம், உங்கள் காலில் உள்ள வீக்கத்தைக் இது குறைக்கும் திறன் கொண்டது.

உங்கள் கால்களை 15 முதல் 20 நிமிடங்கள் வரையில், எப்சம் உப்பு சேர்த்த குளிர்ந்த நீரில் ஊற வைக்கவும்.

​உங்கள் கால்களை உயர்த்தியபடி வையுங்கள்

வீக்கத்தைக் குறைக்கவும், மற்றும் உங்கள் கால்களுக்கு சிறிது ஓய்வு அளிக்கவும், உங்கள் கால்களை ஒரு தலையணையின் மேல் நீங்கள் உயர்த்தியபடி வைக்கலாம். நீங்கள் கர்ப்பமாக இருந்தால், வீக்கத்தைக் குறைக்க ஒரு நாளைக்கு பல முறை உங்கள் கால்களை உயர்த்த முயற்சிக்கவும். கர்பமாக இருக்கும் பெண்கள் இது போன்ற கால் வீக்கத்தால் அவதிப்பட்டால், ஒரு நாளைக்கு பல முறை உங்கள் கால்களை உயர்த்தியபடி வைத்து உட்கார முயற்சிக்கவும். மேலும், வீக்கத்தைக் குறைக்க நீண்ட நேரம் உங்கள் காலில் நிற்பதைத் தவிர்க்க முயற்சி செய்யுங்கள்.

உங்கள் கால்களை, உங்கள் இதயத்தின் மட்டத்திற்கு மேல் ஒரு 20 நிமிடங்கள் வரை உயர்த்த முயற்சிக்கவும்.

​

கம்ப்ரெஷன் சாக்ஸ் அணியுங்கள்

கம்ப்ரெஷன் சாக்ஸ் அல்லது சுருக்க சாக்ஸ் என்பது சிறப்பாக வடிவமைக்கப்பட்டவை. மேலும் இந்த நீட்டப்பட்ட சாக்ஸ் ஆனது, உங்கள் கால்களை மெதுவாக கசக்கும் (நெருக்கும் உணர்வை கொடுக்கும்). இது போன்ற சுருக்க சாக்ஸுகள் ஆறுதலுக்காகவும், விளையாட்டுகளில் சிறப்பாகச் செயல்படுவதற்காகவும், மற்றும் கடுமையான மருத்துவ நிலைமைகளைத் தடுக்கவும் அணியப்படுகின்றன. இந்த சுருக்க சாக்ஸ், உங்கள் கால்கள், கணுக்கால் மற்றும் பாதங்களில் இரத்த ஓட்டத்தை மேம்படுத்துகிறது. மேலும், அந்த பகுதிகளில் வலி மற்றும் வீக்கத்தை குறைக்கின்றது .

- 2-15 மிமீ அல்லது 15-20 மிமீ இடையே இருக்கக்கூடிய லேசான சுருக்க சாக்ஸை அணியுங்கள்.

​நிறைய தண்ணீர் குடிக்கவும்

நாள் முழுவதும் நிறைய தண்ணீர் குடிப்பதால், கால் வீக்கத்தை குறைக்க உதவும். ஏனெனில், அதிகமாக தண்ணீர் குடிப்பது சிறுநீர் கழிப்பதைத் தூண்டும். இது உங்கள் கால்களில் சேர்ந்துள்ள நீரை வெளியேற்ற உதவும். இதனால் உங்கள் கால்களில் வீக்கம் குறையும்.

​கிரேப் ப்ரூட் அத்தியாவசிய எண்ணெயைப் பயன்படுத்துங்கள்

கிரேப் ப்ரூட் அத்தியாவசிய எண்ணெய் ஆனது, வீக்கத்தைக் குறைக்க உதவும் மற்றொரு வீட்டு வைத்தியங்களுள் ஒன்றாகும். இது ஆக்ஸிஜனேற்ற (ஆன்டி ஆக்சிடன்ட்ஸ்) பண்புகளைக் கொண்டுள்ளது. மேலும் இது கால்களில் ஏற்படக்கூடிய வீக்கம் மற்றும் வலியைக் குறைக்க உதவும். அது மட்டுமின்றி, கர்ப்ப காலத்தில், கால் வீக்கத்தைக் குறைக்க உதவும் அழற்சி எதிர்ப்பு பண்புகளும் இதில் உள்ளன.

வெதுவெதுப்பான நீர் நிறைந்த ஒரு வாளியில் கிரேப் ப்ரூட் அத்தியாவசிய எண்ணெயை சில துளிகள் சேர்த்து, உங்கள் கால்களை அதில் சிறிது நேரம் ஊற வைக்கவும்.

​கொத்தமல்லி விதைகள் அல்லது தனியா பயன்படுத்துங்கள்

கொத்தமல்லி விதை அல்லது தனியா ஆனது, ஒரு சிறந்த டையூரிடிக் என்று கருதப்படுகின்றன. இது உங்கள் கால்களில் குவிந்துள்ள நீரை வெளியேற்ற உதவும்.

- ஒரு கப் தண்ணீரில் 2-3 தேக்கரண்டி கொத்தமல்லி விதை சேர்த்து நன்றாக கொதிக்கவிடவும். பின்பு அதை வடிகட்டி சிறிது நேரம் ஆறவிடவும். ஒரு நாளைக்கு இரண்டு முறை இந்த தண்ணீர் குடிக்கவும்.

​பேக்கிங் சோடா

பேக்கிங் சோடாவில் அழற்சி எதிர்ப்பு பண்புகள் உள்ளன. இது உங்கள் கால்களில் ஏற்படக்கூடிய வீக்கத்தைக் குறைக்க உதவும். இது உங்கள் கால்களில் சேர்ந்துள்ள அதிகப்படியான நீரை உறிஞ்சி, அந்த பகுதியில் இரத்த ஓட்டத்தை மேம்படுத்த உதவுகிறது.

- 2 தேக்கரண்டி பேக்கிங் சோடாவை சிறிது அளவு தண்ணீரில் கலந்து ஒரு கெட்டியான பேஸ்டாக தயார் செய்து கொள்ளவும்.

- இந்த பேஸ்டை, உங்கள் கால் வீக்கத்தின் மேல் தடவி 10-15 நிமிடங்கள் வரை அப்படியே விடவும். பின்னர், உங்கள் கால்களை தண்ணீரில் நன்றாக கழுவுங்கள்.

​ஐஸ் பேக்கைப் பயன்படுத்துங்கள்

வீங்கிய கால்களின் மேல் ஐஸ் பேக் பயன்படுத்துவது மிகவும் பயனுள்ள வீட்டு வைத்தியம் ஆகும். இது இரத்த ஓட்டத்தை மேம்படுத்துவதோடு, கால்களில் ஏற்படும் வீக்கம் மற்றும் வலியையும் குறைக்க உதவுகிறது.

- வீங்கிய இடத்தில், ஐஸ் கட்டியை 10 முதல் 12 நிமிடங்கள் வரை வைக்கவும்.

​வெள்ளரிக்காய்

வெள்ளரிக்காய் உடலில் உள்ள அதிகப்படியான நீரை அகற்ற உதவுகிறது. மேலும், வீக்கத்தைக் குறைக்கவும் உதவுகிறது. இது உடலில் இருந்து கழிவுகள் மற்றும் நச்சுகளை அகற்றுவதன் மூலம் நம் உடலை சுத்தப்படுத்துகிறது. இதன்மூலம், கால்/பாத வீக்கத்தை இது குறைகின்றது.

- வெள்ளரிக்காயை மெல்லிய துண்டுகளாக வெட்டி உங்கள் காலில் வீக்கம் உள்ள பகுதியின் மேல் வைக்கவும். பின்பு, உங்கள் கால்களை ஒரு லேசான துணி கொண்டு கட்டவும்.

- 20 அல்லது 30 நிமிடங்களுக்குப் பிறகு அந்த கட்டுக்களை நீங்கள் அகற்றலாம்.

​மெக்னீசியம் நிறைந்த உணவுகளை உண்ணுங்கள்

மெக்னீசியத்தின் குறைபாடு கால் மற்றும் பாத வீக்கத்திற்கு வழிவகுக்கும். மெக்னீசியம் நிறைந்த உணவுகளை உட்கொள்வது உங்கள் காலில் வீக்கத்தைக் குறைக்க உதவும்.

- கீரை, டார்க் சாக்லேட், ப்ரோக்கோலி, முந்திரி, பாதாம் மற்றும் டோஃபு போன்ற மெக்னீசியம் நிறைந்த உணவுகளை நீங்கள் உட்கொள்ளுங்கள்.

​உங்கள் கால்களை மசாஜ் செய்யுங்கள்

உங்கள் கால்களை மெதுவாக மசாஜ் செய்வது, உங்கள் கால் அல்லது பாத வீக்கத்தைக் குறைக்க உதவும். அது மட்டுமின்றி, உங்கள் காலுக்கு இது ஓய்வை தரும். மசாஜ் செய்யும் போது உங்கள் காலுக்கு மென்மையான அழுத்தத்தை கொடுக்கவும். இவ்வாறு செய்வது, அதிகப்படியான நீரை அகற்றவும், மற்றும் வீக்கத்தைக் குறைக்கவும் உங்களுக்கு உதவும்.

​பொட்டாசியம் நிறைந்த உணவுகளை உண்ணுங்கள்

சோடியம் அளவைக் குறைப்பதன் மூலமும், சிறுநீர் உற்பத்தியை அதிகரிப்பதன் மூலமும் பொட்டாசியம் ஆனது உங்கள் உடலில் சேர்ந்துள்ள நீரை குறைக்க உதவுகிறது. சர்க்கரைவள்ளிக் கிழங்கு, சால்மன், வாழைப்பழங்கள் மற்றும் பிஸ்தா போன்ற பொட்டாசியம் நிறைந்த உணவுகளை உட்கொள்ளுங்கள்.

​நீங்கள் எப்பொழுது மருத்துவரை சந்திக்க வேண்டும்?

கால் வீக்கத்துடன் சேர்ந்து, பின்வரும் ஏதேனும் அறிகுறிகளை நீங்கள் அனுபவித்தால் உடனடியாக மருத்துவ உதவியை நாடுங்கள்:

• - காலில் வெப்பம், சிவத்தல் அல்லது வீக்கம்

• - மூச்சுத் திணறல்

• - கால் வீக்கத்துடன் காய்ச்சல் ஏற்பட்டால்

• - மார்பில் வலி, அழுத்தம் அல்லது இறுக்கம் போன்ற உணர்வு

• - ஒரு மூட்டில் மட்டும் வீக்கம் ஏற்படுவது

Thanks for the Sources.

Credited to Tamil Samayam

https://bit.ly/3Q0VAaB